ﺗﺤﺮﯾﺮ ﻧﻤﺮﮦ ﺍﺣﻤﺪ •••7•••Episode

ﺗﺤﺮﯾﺮ ﻧﻤﺮﮦ ﺍﺣﻤﺪ

•••7•••Episode 

ﻣﺠﮭﮯ ﻋﺜﻤﺎﻥ ﺷﺒﯿﺮ ﮐﮩﺘﮯ ﮨﯿﮟ، ﺮ۔ ﺍﭘﻨﯽ ﺑﮭﺎﺭﯼ ﺁﻭﺍﺯ ﻣﯿﮟ ﻭﮦ ﺧﻮﺷﺪﻟﯽ ﺳﮯ ﮔﻮﯾﺎ ﮨﻮﺋﮯ۔

ﻧﺎﺋﺲ ! ﺣﯿﺎ ﺑﻈﺎﮨﺮ ﺍﭘﻨﮯ ﭼﮭﻮﭨﮯ ﺳﮯ ﮔﻮﻟﮉﻥ ﮐﻠﭻ ﮐﻮ ﮐﮭﻮﻝ ﮐﺮ ﮐﭽﮫ ﺗﻼﺵ ﮐﺮﻧﮯ ﻟﮕﯽ۔ ﯾﮧ ﻭﮨﯽ ﮐﻠﭻ ﺗﮭﺎ ﺟﻮ ﺩﺍﻭﺭ ﺑﮭﺎﺋﯽ ﮐﯽ ﻣﮩﻨﺪﯼ ﭘﺮ ﺍﺱ ﻧﮯ ﮔﻮﻟﮉﻥ ﻟﮩﻨﮕﮯ ﮐﮯ ﺳﺎﺗﮫ ﻟﯿﺎ ﺗﮭﺎ۔

ﮔﮉ " ﮈﯼ ﺟﮯ ﻧﮯ ﻣﯿﮕﺰﯾﻦ ﺍﭨﮭﺎ ﮐﺮ ﭼﮩﺮﮮ ﮐﮯ ﺍﻣﻨﮯ ﭘﮭﯿﻼ ﻟﯿﺎ۔

ﻣﯿﮟ ﺗﺮﮐﯽ ﺳﮯ ﺁﯾﺎ ﮨﻮﮞ، ﺩﺭﺍﺻﻞ ﻭﮨﯿﮟ ﺭﮨﺎﺋﺶ ﭘﺰﯾﺮ ﮨﻮﮞ، ﻣﯿﺮﯼ ﺑﯿﻮﯼ ﺍﻭﺭ ﺑﯿﭩﺎ ﺑﮭﯽ ﻭﮨﯿﮟ ﺭﮨﺘﮯ ﮨﯿﮟ۔

ﺣﯿﺎ ﻣﺰﯾﺪ ﺍﭘﻨﮯ ﭘﺮﺱ ﭘﮧ ﺟﮭﮏ ﮔﺌﯽ ﺍﻭﺭ ﮈﯼ ﺟﮯ ﻧﮯ ﻣﯿﮕﺰﯾﻦ ﭼﮩﺮﮮ ﮐﮯ ﺍﺗﻨﺎ ﻗﺮﯾﺐ ﮐﺮ ﻟﯿﺎ ﮐﮧ ﺍﺱ ﮐﯽ ﻧﺎﮎ ﺻﻔﺤﺎﺕ ﮐﻮ ﭼﮭﻮﻧﮯ ﻟﮕﯽ۔

ﻣﮕﺮ ﻭﮦ ﻣﯿﺮﺍ ﺑﯿﭩﺎ ﻧﮩﯿﮟ ﮨﮯ، ﺟﺎﻧﺘﯽ ﮨﻮ ﻭﮦ ﮐﺲ ﮐﺎ ﺑﯿﭩﺎ ﮨﮯ؟

ﻣﺰﯾﺪ ﻧﻈﺮﺍﻧﺪﺍﺯ ﮐﺮﻧﺎ ﺑﮯﮐﺎﺭ ﺗﮭﺎ۔ ﺣﯿﺎ ﻧﮯ ﺭﺥ ﻋﺜﻤﺎﻥ ﺷﺒﯿﺮ ﮐﯽ ﻃﺮﻑ ﻣﻮﮌ ﻟﯿﺎ ﺍﻭﺭ ﮈﯼ ﺟﮯ ﻧﮯ ﺑﮯ ﺯﺍﺭﯼ ﺳﮯ ﻣﯿﮕﺰﯾﻦ ﻧﯿﭽﮯ ﮐﺮ ﻟﯿﺎ۔

ﺁﭖ ﺑﺘﺎﺋﯿﮟ، ﮐﺲ ﮐﺎ ﺑﯿﭩﺎ ﮨﮯ ﻭﮦ؟

ﻋﺜﻤﺎﻥ ﺷﺒﯿﺮ ﮐﻮ ﺷﺎﯾﺪ ﺑﺮﺳﻮﮞ ﺳﮯﮐﺴﯽ ﺳﺎﻣﻊ ﮐﯽ ﺗﻼﺵ ﺗﮭﯽ۔ ﻭﮦ ﺍﭘﻨﯽ ﺩﺍﺳﺘﺎﻥ ﺣﯿﺎﺕ ﻓﻮﺭﺍ ﮨﯽ ﺷﺮﻭﻉ ﮐﺮ ﺑﯿﭩﮭﮯ۔ ﮈﯼ ﺟﮯ ﻣﺴﻠﺴﻞ ﺟﻤﺎﺋﯿﺎﮞ ﺭﻭﮎ ﺭﮨﯽ ﺗﮭﯽ ﺍﻭﺭ ﺣﯿﺎ ﻣﺘﯽ ﻣﺤﺴﻮﺱ ﮐﺮ ﺭﮨﯽ ﺗﮭﯽ۔ ﻭﮦ ﮐﻞ ﺻﺒﺢ ﮐﯽ ﺟﺎﮔﯽ ﮨﻮﺋﯽ ﺗﮭﯽ ﺍﻭﺭ ﺍﺏ ﺍﺱ ﺻﺒﺢ ﮐﮯ ﺳﺎﮌﮬﮯ ﭼﺎﺭ ﺑﺞ ﺭﮨﮯ ﺗﮭﮯ۔ ﺍﻭﭘﺮ ﺳﮯ ﺟﮩﺎﺯ ﮐﺎ ﺳﻔﺮ ! ﺍﺱ ﻧﮯ ﮈﯼ ﺟﮯ ﮐﮯ ﺳﺎﻣﻨﮯ ﻇﺎﮨﺮ ﻧﮩﯿﮟ ﮐﯿﺎﺗﮭﺎ ﮐﮧ ﻭﮦ ﭘﮩﻠﯽ ﺑﺎﺭ ﺟﮩﺎﺯ ﻣﯿﮟ ﺑﯿﭩﮫ ﺭﮨﯽ، ﺁﺧﺮ ﮈﯼ ﺟﮯ ﮐﯿﺎ ﺳﻮﭼﺘﯽ ﮐﮧ ﮐﯿﺴﯽ ﻟﮍﮐﯽ ﮨﮯ، ﮐﺒﮭﯽ ﮨﻮﺍﺋﯽ ﺳﻔﺮ ﮨﯽ ﻧﮩﯿﮟ ﮐﯿﺎ۔ ﺍﺏ ﮐﯿﺎ ﺑﺘﺎﺗﯽ ﮐﮧ ﮐﺒﮭﯽ ﮐﻮﺋﯽ ﺍﯾﺴﯽ ﺻﻮﺭﺕ ﮨﯽ ﻧﮩﯿﮟ ﺑﻦ ﺳﮑﯽ۔

ﺍﺱ ﺳﺐ ﭘﺮ ﻣﺴﺘﺰﺍﺩ ﺍﻥ ﺻﺎﺣﺐ ﮐﯽ ﺍﻟﻤﻨﺎﮎ ﺩﺍﺳﺘﺎﻥ، ﺟﻮ ﻣﺨﺘﺼﺮﺍ ﮐﭽﮫ ﺍﯾﺴﮯ ﺗﮭﯽ ﮐﮧ ﻭﮦ ﺍﻭﺭ ﺍﻥ ﮐﯽ ﺑﯿﮕﻢ ﻋﺮﺻﮧ ﺗﯿﺲ ﺳﺎﻝ ﺳﮯ ﺗﺮﮐﯽ ﻣﯿﮟ ﺭﮨﺎﺋﺶ ﭘﺰﯾﺮ ﺗﮭﮯ۔ ﭼﻮﻧﮑﮧ ﺍﻭﻻﺩ ﻧﮩﯿﮟ ﺗﮭﯽ ﺍﺱ ﻟﯿﮯ ﺍﻧﮩﻮﮞ ﻧﮯ ﻋﺜﻤﺎﻥ ﺻﺎﺣﺐ ﮐﮯ ﺍﯾﮏ ﮐﺰﻥ ﮐﺎ ﺑﯿﭩﺎ ﮔﻮﺩ ﻟﯿﺎ ﺗﮭﺎ۔ ﻭﮦ ﺑﯿﭩﺎﺑﮯﺟﺎ ﻻﮈ ﭘﯿﺎﺭ ﺳﮯ ﺧﺎﺹ ﺑﮕﮍ ﭼﮑﺎ ﺗﮭﺎ، ﺳﻮ ﺍﺱ ﺻﻮﺭﺗﺤﺎﻝ ﮐﻮ ﺳﻨﻮﺍﺭﻧﮯ ﮐﮯ ﻟﯿﮯ ﺍﻧﮩﯿﮟ ﮐﮯ ﮐﮭﻮﮦ ﻣﯿﮟ ﺭﮨﺎﺋﺶ ﭘﺰﯾﺮ ﺍﭘﻨﯽ ﺑﮭﺎﻧﺠﯽ ﺳﮯ ﺍﺱ ﮐﺎ ﺭﺷﺘﮧ ﻁ ﮐﺮ ﺩﯾﺎ ﺗﮭﺎ۔ ﺟﺲ ﭘﮧ ﺁﭨﮭﻮﯾﮟ ﻓﯿﻞ ﺑﮭﺎﻧﺠﯽ ﺻﺎﺣﺒﮧ ﺑﮩﺖ ﺧﻮﺵ ﺍﻭﺭ ﺑﯿﭩﺎ ﺑﮩﺖ ﻧﺎﺭﺍﺽ ﺗﮭﺎ ﺍﻭﺭ ﺍﺱ ﺳﮯ ﭘﯿﺸﺘﺮ ﮐﮧ ﻭﮦ ﺍﭘﻨﯽ ﭘﺎﮐﺴﺘﺎﻥ ﺁﻣﺪ ﮐﯽ ﻭﺟﮧ ﺑﯿﺎﻥ ﮐﺮﺗﮯ ﻣﯿﻨﯿﻮ ﮐﺎﺭﮈﺯ ﺁﮔﺌﮯ۔

ﻭﮦ ﺩﻭﻧﻮﮞ ﭘﮭﺮ ﺳﮯ ﺗﺎﺯﮦ ﺩﻡ ﮨﻮﮔﺌﯿﮟ۔ ﻣﯿﻨﯿﻮ ﭘﮧ ﮐﭽﮫ ﻧﺎﻡ ﺟﺎﻧﮯ ﭘﮩﭽﺎﻧﮯ ﺍﻭﺭ ﮐﭽﮫ ﺍﺭﺩﻭ ﺳﮯ ﻣﻠﺘﮯ ﺟﻠﺘﮯ ﺗﮭﮯ۔

ﺟﯿﺮﮦ ﺁﻟﻮ ﻭﺩ ﺳﺒﺰ ﮐﭩﻠﭩﺲ، ﭘﻨﯿﺮ ﺟﻠﻔﺮﯾﺰﯼ، ﺳﺎﺩﮦ ﭘﺮﺍﭨﮭﺎ، ﺗﯿﮑﮭﯽ ﺑﺮﯾﺎﻧﯽ ﻭﻏﯿﺮﮦ۔

ﺣﯿﺎ ﻧﮯ ﮈﯼ ﺟﮯ ﮐﯽ ﻃﺮﻑ ﺳﻮﺍﻟﯿﮧ ﻧﮕﺎﮨﻮﮞ ﺳﮯ ﺩﯾﮑﮭﺎ۔ ﺩﺭﻣﯿﺎﻥ ﻣﯿﮟ ﻣﺠﻮﺩ ﺑﮭﺎﺭﯼ ﺑﮭﺮ ﮐﻢ ﺩﯾﻮﺍﺭ ﮐﮯ ﺑﺎﻋﺚ ﻭﮦ ﺁﮔﮯ ﮨﻮ ﮐﺮ ﺑﯿﭩﮭﯽ ﺗﮭﯽ۔ ﮐﭽﮫ ﺳﻤﺠﮫ ﻧﮩﯿﮟ ﺁ ﺭﮨﺎ ﺗﮭﺎﮐﮧ ﮐﯿﺎ ﻣﻨﮕﻮﺍﺋﯿﮟ۔

ﭨﺮﮐﺶ ﻓﻮﮈ ﺑﮩﺖ ﺯﺑﺮﺩﺳﺖ ﮨﻮﺗﺎ ﮨﮯ ﺍﻭﺭ ﺗﺮﮎ ﻟﻮﮒ ﮐﮭﺎﻧﮯ ﮐﮯ ﺑﮩﺖ ﺷﻮﻗﯿﻦ ﮨﻮﺗﮯ ﮨﯿﮟ ﻣﯿﮟ ﺑﺘﺎﺗﺎ ﮨﻮﮞ ﮐﮧ ﮐﯿﺎ ﻣﻨﮕﻮﺍﺅ۔

ﺩﻭﻧﻮﮞ ﻧﮯ ﺍﯾﮏ ﺩﻭﺳﺮﮮ ﮐﻮ ﺩﯾﮑﮭﺎ ﺍﻭﺭ ﭘﮭﺮ ﻣﺘﺬﺑﺬﺏ ﺳﯽ ﺣﯿﺎ ﻧﮯ ﮨﺘﮭﯿﺎﺭ ﮈﺍﻝ ﺩﯾﺌﮯ۔

ﺑﮩﺖ ﺑﮩﺘﺮ، ﺑﺘﺎﺋﯿﮯ۔ ﻭﮦ ﮔﮩﺮﯼ ﺳﺎﻧﺲ ﻟﮯﮐﺮ ﭘﯿﭽﮭﮯ ﮨﻮ ﮐﺮ ﺑﯿﭩﮫ ﮔﺌﯽ۔

ﭘﮩﻠﮯﺗﻮ Sayadiat samak ﻣﻨﮕﻮﺍﺗﮯ ﮨﯿﮟ۔ ﯾﮧ ﺭﻭﺍﯾﺘﯽ ﺗﺮﮎ ﭼﺎﻭﻝ ﮨﯿﮟ، ﺳﻔﯿﺪ ﻣﭽﮭﻠﯽ، ﻓﺮﺍﺋﯿﮉ ﭘﯿﺎﺯ ﺍﻭﺭ ﮐﺎﺝ ﮐﮯ ﺳﺎﺗﮫ۔

ﻣﺸﺮﻭﻡ ﺍﯾﻨﮉ ﭼﯿﺰ ﺁﻣﻠﯿﭧ، ﺟﯿﺮﮦ ﺁﻟﻮ۔۔۔۔۔۔۔ ﻭﮦ ﺑﮩﺖ ﺍﻋﺘﻤﺎﺩ ﺳﮯ ﺁﺭﮈﺭ ﻟﮑﮭﻮﺍﺗﮯ ﮔﺌﮯ۔ ﻣﮕﺮ ﺟﺐ ﮐﮭﺎﻧﺎ ﺁﯾﺎ ﺗﻮ ﺣﯿﺎ ﮐﺎ ﺩﻝ ﺧﺮﺍﺏ ﮨﻮﻧﮯ ﻟﮕﺎ۔ ﮐﮭﺎﻧﮯ ﮐﯽ ﺧﻮﺷﺒﻮ ﺳﻮﻧﮕﮫ ﮐﺮ ﮨﯽ ﺟﯽ ﻣﺘﻼﻧﮯ ﻟﮕﺎ ﺗﮭﺎ۔ ﻋﺜﻤﺎﻥ ﺷﺒﯿﺮ ﺑﮍﮮ ﺑﮍﮮ ﻟﻘﻤﮯ ﻟﯿﺘﮯ ﻣﺰﮮ ﺳﮯ ﮐﮭﺎ ﺭﮨﮯ ﺗﮭﮯ۔ ﮈﯼ ﺟﮯ ﺑﻤﺸﮑﻞ ﺍﯾﮏ ﭼﻤﭽﮧ ﻟﮯ ﮐﺮ ﮨﯽ ﺩﻭﮨﺮﯼ ﮨﻮﮔﺌﯽ۔ ﺣﯿﺎ ﺑﮭﯽ ﺑﺪ ﻣﺰﮦ ﮨﻮﮔﺌﯽ ﺗﮭﯽ۔ ﺍﺗﻨﺎ ﭘﮭﯿﮑﺎ ﺳﺎﻟﻦ ﺍﺱ ﻧﮯ ﺁﺝ ﺗﮏ ﻧﮩﯿﮟ ﮐﮭﺎﯾﺎ ﺗﮭﺎ۔

ﺑﻤﺸﮑﻞ ﭼﮑﮫ ﮐﺮ ﺍﻧﮩﻮﮞ ﻧﮯ ﺑﺮﺗﻦ ﭘﺮﮮ ﮐﺮ ﺩﯾﮯ۔ﻋﺜﻤﺎﻥ ﺷﺒﯿﺮ ﺍﺑﮭﯽ ﺗﮏ ﭘﻮﺭﯼ ﺩﻟﺠﻤﻌﯽ ﮐﮯ ﺳﺎﺗﮫ ﮐﮭﺎ ﺭﮨﮯ ﮬﮯ۔ﻋﺠﯿﺐ ﺳﯽ ﺧﻮﺷﺒﻮﺋﯿﮟ ﺍﺱ ﮐﮯ ﻧﺘﮭﻨﻮﮞ ﻣﯿﮟ ﮔﮭﺲ ﺭﮨﯽ ﺗﮭﯽ۔ ﺍﮔﺮ ﯾﮩﯽ ﺗﺮﮎ ﻓﻮﮈ ﺗﮭﺎ ﺗﻮ ﺍﺳﮯ ﻟﮕﺎ، ﻭﮦ ﺗﺮﮐﯽ ﻣﯿﮟ ﭘﺎﻧﭻ ﻣﺎﮦ ﺑﮭﻮﮐﯽ ﺭﮨﮯ ﮔﯽ۔ ﺍﯾﺴﺎ ﺟﯽ ﺗﻮ ﺍﺱ ﮐﺎ ﮈﺍﺋﯿﻮﻭ ﺑﺲ ﻣﯿﮟ ﺑﮭﯽ ﻧﮩﯿﮟ ﻣﺘﻼﺗﺎ ﺗﮭﺎ۔ ﺟﯿﺴﮯ ﺍﮬﺮ ﮨﻮ ﮨﺎ ﺗﮭﺎ۔ﻭﮦ ﭼﮩﺮﮮ ﭘﺮ ﺩﻭﭘﭩﺎ ﺭﮐﮫ ﮐﺮ ﺳﻮﮔﺌﯽ۔

••••••••••••••••••••••••••

ﺍﺳﻼﻡ ﺁﺑﺎﺩ ﺳﮯ ﭘﻮﺭﮮ ﮈﮬﺎﺋﯽ ﮔﮭﻨﭩﮯ ﺑﻌﺪ ﺍﻧﮩﯿﮟ ﺍﺑﻮﻇﮩﺒﯽ ﺍﺋﺮﭘﻮﺭﭦ ﭘﮧ ﺍﺗﺮﻧﺎ ﺗﮭﺎ۔ ﻭﮨﺎﮞ ﮐﭽﮫ ﺩﯾﺮ ﮐﺎ ﻗﯿﺎﻡ ﺗﮭﺎ ﺍﻭ ﭘﮭﺮ ﺍﺳﺘﻨﺒﻮﻝ۔۔۔۔۔۔۔

ﺍﺑﻮﻇﮩﺒﯽ ﺍﺗﺮﻧﮯ ﺳﮯ ﻗﺒﻞ ﮐﮭﮍﮐﯽ ﮐﮯ ﭘﺎﺭ ﺯﻣﯿﻦ ﮐﺎ ﮔﻮﻻﺋﯽ ﻣﯿﮟ ﮐﭩﺎﺅ ﺩﮐﮭﺎﺋﯽ ﺩﯾﻨﮯ ﻟﮕﺎ ﺗﮭﺎ۔ ﺯﻣﯿﻦ ﮐﺎ ﻭﮦ ﮐﺮﮦ ﺍﺗﻨﺎ ﺣﺴﯿﻦ ﺗﮭﺎ ﮐﮧ ﺍﺱ ﮐﯽ ﺑﯿﺰﺍﺭﯼ ﺍﻭﺭ ﻧﯿﻨﺪ ﺑﮭﺎﮒ ﮔﺌﯽ۔ ﻭﮦ ﻣﺤﻮ ﺳﯽ ﯾﮏ ﭨﮏ ﻭﮦ ﻣﻨﻈﺮ ﺩﯾﮑﮭﮯ ﮔﺌﯽ۔

ﺍﺑﻮﻇﮩﺒﯽ ﺍﺋﺮﭘﻮﺭﭦ ﭘﺮ ﺍﻧﮩﻮﮞ ﻧﮯ ﭨﺮﻣﻨﻞ ﺗﮭﺮﯼ ﭘﺮ ﻟﯿﻨﮉ ﮐﯿﺎ ﺗﮭﺎ۔ ﺍﺳﺘﻨﺒﻮﻝ ﮐﯽ ﻓﻼﺋﭧ ﺍﻧﮭﻮﮞ ﻧﮯ ﭨﺮﻣﻨﻞ ﻭﻥ ﺳﮯ ﭘﮑﮍﻧﯽ ﺗﮭﯽ، ﻣﮕﺮ ﭘﮩﻠﮯ۔۔۔۔۔۔ ﮔﮭﺮ ﻓﻮﻥ ﮐﺮﻧﺎ ﺗﮭﺎ۔

ﻭﮦ ﺩﻭﻧﻮﮞ ﺁﮔﮯ ﭘﯿﭽﮭﮯ ﺗﯿﺰ ﺗﯿﺰ ﭼﻠﺘﯽ . ، ﮐﺎﻟﻨﮓ ﮐﺮﮈ ﺧﺮﯾﺪﻧﮯ ﮔﺌﯿﮟ۔ ﭘﺎﻧﭻ ﯾﻮﺭﻭﺯ ﮐﺎ ﺍﺗﺼﻼﺕ ﮐﺎ ﮐﺎﺭﮈ ﺧﺮﯾﺪﺍ ﺍﻭﺭ ﻓﻮﻥ ﺑﻮﺗﮫ ﮐﯽ ﻃﺮﻑ ﺑﮭﺎﮔﯿﮟ۔

ﻗﻄﺎﺭ ﻣﯿﮟ ﻓﻮﻥ ﺑﻮﺗﮫ ﻟﮕﮯﺗﮭﮯ۔ ﺣﯿﺎ ﻧﮯ ﺍﯾﮏ ﺍﯾﮏ ﮐﺮ ﮐﮯ ﭘﮩﻠﮯ ﺗﯿﻨﻮﮞ ﭘﺮ ﮐﺎﺭﮈ ﻟﮕﺎﻧﮯ ﮐﯽ ﮐﻮﺷﺶ ﮐﯽ، ﻣﮕﺮ ﮐﺎﺭﮈ ﺗﮭﺎ ﮐﮧ ﮈﻟﻨﮯ ﮐﺎ ﻧﺎﻡ ﮨﯽ ﻧﮧ ﻟﮯ۔ ﺍﺳﮯ ﺍﺋﺮﭘﻮﺭﭦ ﭘﺮ ﻓﻮﻥ ﺑﻮﺗﮫ ﺍﺳﺘﻌﻤﺎﻝ ﮐﺮﻧﮯ ﮐﺎ ﭘﮩﻼ ﺗﺠﺮﺑﮧ ﺗﮭﺎ۔ ﮐﮫ ﺳﻤﺠﮫ ﻧﮩﯿﮟ ﺁﺭﮨﺎ ﺗﮭﺎ ﮐﮧ ﮐﯿﺎ ﮐﺮﮮ۔

ﺣﯿﺎ ﺍﺱ ﺑﻨﺪﮮ ﮐﻮ ﺩﯾﮑﮭﻮ ﺟﯿﺴﮯ ﯾﮧ ﮐﺎﺭﮈ ﮈﺍﻝ ﺭﮨﺎﮨﮯ، ﻭﯾﺴﮯ ﮨﯽ ﮈﺍﻟﻮ۔ ﮈﯼ ﺟﮯ ﻧﮯ ﺍﺳﮯ ﮐﮩﻨﯽ ﻣﺎﺭﯼ ﺗﻮ ﺣﯿﺎ ﻧﮯ ﭘﻠﭧ ﮐﺮ ﺍﺳﮯ ﺩﯾﮑﮭﺎ۔ ﭼﻮﺗﮭﮯ ﺑﻮﺗﮫ ﭘﮧ ﺍﯾﮏ ﯾﮏ ﺷﺨﺺ ﺍﻥ ﮐﯽ ﻃﺮﻑ ﭘﺸﺖ ﮐﯿﮯ، ﺍﭘﻨﺎ ﮐﺎﺭﮈ ﮈﺍﻝ ﺭﮨﺎ ﺗﮭﺎ۔ ﺣﯿﺎ ﮐﻮ ﺩﮐﮭﺎﺋﯽ ﻧﮩﯿﮟ ﺩﮮ ﮨﺎ ﺗﮭﺎ ﮐﮧ ﻭﮦ ﮐﻮﻥ ﺳﺎ ﻃﺮﯾﻘﮧ ﺍﺳﺘﻌﻤﺎﻝ ﮐﺮ ﮨﺎ ﮨﮯ۔ ﺳﻮ ﻭﮦ ﮈﯼ ﺟﮯ ﮐﺎ ﮨﺎﺗﮫ ﺗﮭﺎﻣﮯ ﺍﺳﮑﮯ ﺳﺮ ﭘﺮ ﺟﺎ ﭘﮩﻨﭽﯽ۔

ﻭﮦ ﺭﺳﯿﻮﺭ ﮐﺎﻥ ﺳﮯ ﻟﮕﺎﺋﮯ ﻧﻤﺒﺮ ﻣﻼ ﺭﮨﺎ ﺗﮭﺎ۔

ﭘﻠﯿﺰ ﮨﻤﯿﮟ ﯾﮧ ﮐﺎﺭﮈ ﮈﺍﻝ ﺩﯾﮟ۔ ﻣﯿﮟ ﺍﺳﮯ ﮈﺍﻝ ﻧﮩﯿﮟ ﭘﺎﺭﮨﯽ۔ ﺣﯿﺎ ﻧﮯ ﮐﺎﺭﮈ ﺍﺱ ﮐﯽ ﻃﺮﻑ ﺑﮍﮬﺎﯾﺎ، ﻭﮦ ﭼﻮﻧﮏ ﮐﺮ ﭘﻠﭩﺎ۔

ﻭﮦ ﺳﯿﺎﮦ ﺭﻧﮕﺖ، ﮔﮭﻨﮕﺮﯾﺎﻟﮯ ﺑﺎﻟﻮﮞ ﺍﻭﺭ ﺍﻭﻧﭽﮯ ﻗﺪ ﮐﺎ ﻧﺴﻼ ﺣﺒﺸﯽ ﺗﮭﺎ۔ ﺍﺱ ﻧﮯ ﺍﯾﮏ ﮨﺎﺗﮫ ﺳﮯ ﮐﺎﺭﮈ ﻟﯿﺘﮯ ﮨﻮﺋﮯ ﺍﻥ ﺩﻭﻧﻮﮞ ﻟﮍﮐﯿﻮﮞ ﭘﺮ ﻧﮕﺎﮦ ﮈﺍﻟﯽ۔ ﺍﯾﮏ ﺳﯿﺎﮦ ﻟﻤﺒﮯ ﺑﺎﻟﻮﮞ ﺍﻭﺭ ﺑﮍﯼ ﺁﻧﮑﮭﻮﮞ ﻭﺍﻟﯽ ﺧﻮﺑﺼﻮﺭﺕ ﺳﯽ ﻟﮍﮐﯽ ﺟﻮ ﮐﮧ ﺟﯿﮑﭧ ﮐﯽ ﺟﯿﺒﻮﮞ ﻣﯿﮟ ﮨﺎﺗﮫ ﮈﺍﻟﮯﮐﮭﮍﯼ ﺗﮭﯽ۔ ﺩﻭﺳﺮﯼ ﺑﮍﮮ ﭼﺸﻤﮯ ﺍﻭﺭ ﮈﮬﯿﻠﯽ ﭘﻮﻧﯽ ﻭﺍﻟﯽ ﻟﮍﮐﯽ ﺟﺲ ﻧﮯ ﺳﻮﯾﭩﺮ ﺗﮩﮧ ﮐﺮ ﮐﮯ ﺑﺎﺯﻭ ﭘﺮ ﮈﻝ ﺭﮐﮭﺎ ﺗﮭﺎ۔ ﺩﻭﻧﻮﮞ ﻣﻨﺘﻈﺮ ﺳﯽ ﺍﺳﮯ ﺩﯾﮑﮫ ﺭﮨﯽ ﺗﮭﯿﮟ۔

ﺍﭼﮭﺎ، ﻣﯿﮟ ﺫﺭﺍ ﺑﺎﺕ ﮐﺮ ﻟﻮﮞ، ﭘﮭﺮ۔۔۔۔۔۔۔۔۔ ! ﺍﺳﮯ ﺷﺎﯾﺪ ﮐﺎﻥ ﺳﮯ ﻟﮕﮯ ﺭﺳﯿﻮﺭ ﻣﯿﮟ ﮐﻮﺋﯽ ﺁﻭﺍﺯ ﺳﻨﺎﺋﯽ ﺩﯼ ﺗﮭﯽ، ﺗﺐ ﮨﯽ ﺭﺥ ﻣﻮﮌ ﮔﯿﺎ۔

ﻭﮦ ﺩﻭﻧﻮﮞ ﺍﺳﯽ ﻃﺮﺡ ﮐﮭﮍﯼ ﺍﺳﮯ ﺩﯾﮑﮭﺘﯽ ﺭﮨﯽ۔ ﺍﻥ ﺳﮯ ﻭﮦ ﺍﻧﮕﺮﯾﺰﯼ ﻣﯿﮟ ﻣﺨﺎﻃﺐ ﮨﻮﺍ ﺗﮭﺎ، ﻣﮕﺮ ﺍﺏ ﻓﻮﻥ ﭘﮧ ﻋﺮﺑﯽ ﻣﯿﮟ ﺑﺎﺕ ﮐﺮ ﺭﮨﺎ ﺗﮭﺎ۔ ﮈﯼ ﺟﮯﺗﻮ ﺑﻮﺭ ﮨﻮ ﮐﺮ ﺍﺩﮬﺮ ﺍﺩﮬﺮ ﺩﯾﮑﮭﻨﮯ ﻟﮕﯽ ﻣﮕﺮ ﺷﺮﯾﻌﮧ ﺍﯾﻨﮉ ﻻﺀ ﮐﮯ ﭘﺎﻧﭻ ﺳﺎﻟﻮﮞ ﻧﮯ ﺣﯿﺎ ﮐﻮ ﻋﺮﺑﯽ ﺍﭼﮭﯽ ﻃﺮﺡ ﺳﮯ ﺳﮑﮭﺎ ﺩﯼ ﺗﮭﯽ۔ ﺍﻧﭩﺮﻧﯿﺸﻨﻞ ﺍﺳﻼﻣﮏ ﯾﻮﻧﯿﻮﺭﺳﭩﯽ ﻣﯿﮟ ﺍﭘﻨﮯ ﺍﯾﻞ ﺍﯾﻞ ﺑﯽ ﮐﮯ ﭘﮩﻠﮯ ﺑﺮﺱ ﺍﻥ ﮐﻮ ﻋﺮﺑﯽ ﮨﯽ ﺳﮑﮭﺎﺋﯽ ﺟﺎﺗﯽ ﺗﮭﯽ۔ ﺍﻭﺭ ﺍﻥ ﮐﯽ ﮐﻼﺳﺰ ﻣﯿﮟ ﺍﻟﺠﯿﺮﯾﻦ ﺍﻭﺭ ﻣﺼﺮﯼ ﺍﺳﺎﺗﺬﮦ ﺍﻧﮩﯿﮟ ﻋﺮﺑﯽ ﻣﯿﮟ ﮨﯽ ﻟﯿﮑﭽﺮﺯ ﺩﯾﺎ ﮐﺮﺗﮯ ﺗﮭﮯ۔

ﻣﯿﮟ ﺍﺳﺘﻨﺒﻮﻝ ﺁ ﺭﮨﺎ ﮨﻮﮞ۔ ﻭﮦ ﺍﺏ ﺭﺥ ﭘﮭﯿﺮﮮ ﻗﺪﺭﮮ ﭘﺮﯾﺸﺎﻧﯽ ﺳﮯ ﮐﮩﮧ ﺭﮨﺎ ﺗﮭﺎ۔ ﮨﺎﮞ ﺷﺎﻡ ﺗﮏ ﮔﮭﺮ ﭘﮩﻨﭻ ﺟﺎﺅﮞ ﮔﺎ۔ ﺗﻢ ﻧﮯ ﺣﺎﺭﺙ ﮐﻮ ﮈﺍﮐﭩﺮ ﮐﻮ ﺩﮐﮭﺎﯾﺎ؟ ﺍﭼﮭﺎ؟ ﮐﯿﺎ ﮐﮩﺘﺎ ﮨﮯ ﮈﺍﮐﭩﺮ؟۔۔۔۔۔ ﮐﺮ ﺩﻭﮞ ﮔﺎ ﭘﯿﺴﻮﮞ ﮐﺎ ﺍﻧﺘﻈﺎﻡ، ﮐﮩﺎﺟﻮ ﮨﮯ، ﺑﺎﺭ ﺑﺎﺭ ﺍﯾﮏ ﮨﯽ ﺑﺎﺕ ﻣﺖ ﺩﮨﺮﺍﯾﺎ ﮐﺮﻭ، ﺟﺎﮨﻞ ﻋﻮﺭﺕ ! ﻃﯿﺶ ﺳﮯ ﺍﺱ ﮐﯽ ﺩﺑﯽ ﺑﯽ ﺳﯽ ﺁﻭﺍﺯ ﺑﻠﻨﺪ ﮨﻮﺋﯽ۔ ﮨﺎﮞ ! ﻣﯿﺮﯼ ﻋﺒﺪﺍﻟﺮﺣﻤﺎﻥ ﺳﮯ ﺑﺎﺕ ﮨﻮ ﮔﺌﯽ ﺗﮭﯽ۔ ﺍﺳﯽ ﮐﮯ ﮐﺎﻡ ﮐﮯ ﻟﯿﮯ ﺧﻮﺍﺭ ﮨﻮ ﺭﮨﺎ ﮨﻮﮞ ﻣﮕﺮﻭﮦ ﺯﯾﺎﺩﮦ ﺭﻗﻢ ﻧﮩﯿﮟ ﺩﮮ ﮔﺎ۔ ﺍﯾﮏ ﺟﮕﮧ ﺍﻭﺭ ﺑﮭﯽ ﺑﺎﺕ ﮐﯽ ﮨﮯ۔

ﺍﺱ ﻧﮯ ﺭﮎ ﮐﺮ ﮐﭽﮫ ﺳﻨﺎ ﺍﻭﺭ ﭘﮭﺮ ﻣﺰﯾﺪ ﺟﮭﻨﺠﮭﻼﮨﭧ ﺳﮯ ﺑﻮﻻ۔ ﺁﭼﮭﺎ ﻓﻮﻥ ﺭﮐﮫ ﺭﮨﺎ ﮨﻮﮞ، ﻣﺮﺣﺒﺎ ! ﺍﺱ ﻧﮯ ﮐﮭﭩﺎﮎ ﺳﮯ ﻓﻮﻥ ﺭﮐﮭﺎ ﺍﻭﺭ ﺍﻥ ﮐﯽ ﻃﺮﻑ ﭘﻠﭩﺎ۔ ﺳﻮﺭﯼ ﮔﺮﻟﺰ ! ﺑﻤﺸﮑﻞ ﭼﮩﺮﮮ ﭘﺮ ﺑﺸﺎﺷﺖ ﻻﺗﮯ ﮨﻮﺋﮯ ﻭﮦ ﺍﺏ ﺍﻥ ﮐﺎ ﮐﺎﺭﮈ ﻟﮕﺎﻧﮯ ﻟﮕﺎ۔ ﭘﮩﻠﯽ ﮨﯽ ﮐﻮﺷﺶ ﮐﺎﻣﯿﺎﺏ ﮨﻮ ﮔﺌﯽ۔ ﻭﮦ ﺷﺎﯾﺪ ﮐﺎﺭﮈ ﮐﻮ ﺍﻟﭩﺎ ﭘﮑﮍ ﺭﮨﯽ ﺗﮭﯽ۔

ﻟﯿﺠﯿﮯ ! ﺳﯿﺎﮦ ﻓﺎﺭﻡ ﻧﮯ ﺭﺳﯿﻮﺭ ﺍﻥ ﮐﯽ ﻃﺮﻑ ﺑﮍﮬﺎﯾﺎ۔ ﭘﮭﺮ ﺍﻥ ﺳﮯ ﮨﭧ ﮐﺮ ﺩﻭﺭ ﭼﻼ ﮔﯿﺎ۔

ﺑﺲ ﺍﯾﮏ ﺍﯾﮏ ﻣﻨﭧ ﮐﯽ ﮐﺎﻝ ﮐﺮﮮ ﮔﮯ۔ ﺣﯿﺎ ﻧﮯ ﻧﻤﺒﺮ ﻣﻼﺗﮯ ﮨﻮﺋﮯﮈﯼ ﺟﮯ ﮐﻮ ﺗﻨﺒﯿﮩﮧ ﮐﯽ۔ ﺳﻠﯿﻤﺎﻥ ﺻﺎﺣﺐ

ﻧﮯ ﭘﮩﻠﯽ ﮨﯽ ﮔﮭﻨﭩﯽ ﭘﺮ ﻓﻮﻥ ﺍﭨﮭﺎ ﻟﯿﺎ۔

ﻭﮦ ﭼﭗ ﮨﻮﺋﯽ ﮐﮧ ﻧﮩﯿﮟ؟ ﺗﻮﺑﮧ ﮐﺘﻨﺎ ﺭﻭﺗﯽ ﮨﮯ۔

ﺟﯽ ﺟﯽ ﺍﺑﺎ ﺟﯽ، ﻭﮦ ﭼﭗ ﮨﻮ ﮔﺌﯽ ﮨﮯ، ﺍﻭﺭ ﭘﮭﺮ ﺟﻠﺪﯼ ﺟﻠﯽ ﺍﭘﻨﯽ ﺧﯿﺮﯾﺖ ﺑﺘﺎ ﮐﺮ ﻓﻮﻥ ﺑﻨﺪ ﮐﺮ ﯾﺎ۔ ﮈﯼ ﺟﮯ ﻧﮯ ﺑﮭﯽ ﺑﻤﺸﮑﻞ ﺍﯾﮏ ﻣﻨﭧ ﮨﯽ ﮔﮭﺮ ﺑﺎﺕ ﮐﯽ ﺗﮭﯽ۔ ﺑﻌﺪ ﻣﯿﮟ ﺑﻘﯿﮧ ﺭﻗﻢ ﺩﯾﮑﮭﯽ ﺗﻮ ﺑﻤﺸﮑﻞ ﺍﯾﮏ ﯾﻮﺭﻭ ﺍﺳﺘﻌﻤﺎﻝ ﮨﻮﺍ۔ ﺑﺎﻗﯽ ﭼﺎﺭ ﯾﻮﺭﻭ ﮐﺎ ﺑﯿﻠﻨﺲ ﺍﺑﮭﯽ ﻣﻮﺟﻮﺩ ﺗﮭﺎ۔ ﺩﻭﻧﻮﮞ ﺍﭘﻨﯽ ﻋﺠﻠﺖ ﻭ ﮐﻨﺠﻮﺳﯽ ﭘﺮ ﺧﻮﺏ ﭘﭽﮭﺘﺎﺋﯿﮟ ﮐﮧ ﺍﺏ ﺍﺑﻮﻇﮩﺒﯽ ﺳﮯ ﻧﮑﻞ ﮐﺮ ﺗﻮ ﯾﮧ ﮐﺎﺭﮈ ﮐﺴﯽ ﮐﺎﻡ ﮐﺎ ﻧﮩﯿﮟ ﺗﮭﺎ۔ ﺣﯿﺎ ﻧﮯ ﺍﺳﮯ ﺍﭘﻨﮯ ﮔﻮﻟﮉﻥ ﭘﺎﺅﭺ ﻣﯿﮟ ﮈﺍﻝ ﻟﯿﺎ۔

ﺍﺏ ﺍﻧﮩﯿﮟ ﺍﭘﻨﺎ ﺳﺎﻣﺎﻥ ﻟﯿﻨﺎ ﺗﮭﺎ۔ ﻭﮨﺎﮞ ﺑﮩﺖ ﺳﮯ ﭨﺎﺋﺮﺯ ﭼﻞ ﺭﮨﮯ ﺗﮭﮯ۔ ﮨﺮ ﭨﺎﺋﺮ ﭘﺮ ﺑﯿﮕﺰ ﺍﻭﺭ ﺳﻮﭦ ﮐﯿﺲ ﻗﻄﺎﺭ ﻣﯿﮟ ﺭﮐﮭﮯ ﭼﻠﮯ ﺁ ﺭﮨﮯ ﺗﮭﮯ۔ ﺍﻧﮩﯿﮟ ﻗﻄﻌﺎ ﻋﻠﻢ ﻧﮩﯿﮟ ﺗﮭﺎ ﮐﮧ ﺍﭘﻨﮯ ﺑﯿﮕﺰ ﮐﻮ ﮐﮩﺎﮞ ﺗﻼﺷﯿﮟ۔

ﻭﮦ ﺩﻭﻧﻮﮞ ﺑﺪﺣﻮﺍﺱ ﺳﯽ ﺍﯾﮏ ﭨﺎﺋﺮ ﺳﮯ ﺩﻭﺳﺮﮮ ﮐﯽ ﻃﺮ ﺑﮭﺎﮔﻨﮯ ﻟﮕﯿﮟ۔ ﮈﯼ ﺟﮯ ﮐﺎ ﺗﮭﻮﮌﯼ ﺩﯾﺮ ﻣﯿﮟ ﮨﯽ ﺳﺎﻧﺲ ﭘﮭﻮﻝ ﮔﯿﺎ۔ ﮐﺒﮭﯽ ﺣﯿﺎ ﮐﻮ ﺍﯾﮏ ﺟﮕﮧ ﺍﭘﻨﮯ ﺳﯿﺎﮦ ﺳﻮﭦ ﮐﯿﺲ ﮐﺎ ﮔﻤﺎﻥ ﮔﺰﺭﺗﺎ ﺗﻮ ﻭﮦ ﮈﯼ ﺟﮯ ﮐﺎ ﮨﺎﺗﮫ ﮐﮭﯿﻨﭻ ﮐﺮ ﺍﺩﮬﺮ ﺑﮭﺎﮔﺘﯽ، ﻣﮕﺮ ﻗﺮﯾﺐ ﺳﮯ ﺩﯾﮑﮭﻨﮯ ﭘﮧ ﻭﮦ ﮐﺴﯽ ﺍﻭﺭ ﮐﺎ ﺑﯿﮓ ﻧﮑﻠﺘﺎ۔ ﺗﻮ ﮐﺒﮭﯽ ﮈﯼ ﺟﮯ ﺍﭘﻨﮯ ﺑﮭﻮﺭﮮ ﺗﮭﯿﻠﮯ ﮐﻮﭘﮩﭽﺎﻥ ﮐﺮ ﭼﻼﺗﮯ ﮨﻮﺋﮯ ﺍﯾﮏ ﻃﺮﻑ ﺩﻭﮌﺗﯽ، ﻣﮕﺮ ﺍﺱ ﭘﺮ ﮐﺴﯽ ﺍﻭﺭ ﮐﺎ ﻧﺎﻡ ﺩﺭﺝ ﮨﻮﺗﺎ۔

ﺣﯿﺎ ﺑﺘﺎﺅ ! ﺍﺏ ﺑﯿﮕﺰ ﮐﮩﺎﮞ ﮈﮬﻮﻧﮉﯾﮟ؟ ﮈﯾﺠﮯ ﻧﮯ ﭘﺮﯾﺸﺎﻧﯽ ﺳﮯ ﺍﺳﮯ ﺩﯾﮑﮭﺎ۔ ﺍﺱ ﮐﺎ ﺳﺎﻧﺲ ﺩﮬﻮﮐﻨﯽ ﮐﯽ ﻃﺮﺡ ﭼﻞ ﺭﮨﺎ ﺗﮭﺎ۔ ﺣﯿﺎ ﻧﮯ ﺑﻤﺸﮑﻞ ﺗﮭﻮﮎ ﻧﮕﻠﯽ ﺍﻭﺭ ﭼﮩﺮﮮ ﭘﺮ ﺁﺗﮯ ﺑﺎﻝ ﮐﺎﻧﻮﮞ ﮐﮯ ﭘﯿﭽﮭﮯ ﺍﮌﺳﮯ۔ ﺍﺏ ﺳﭻ ﺑﻮﻟﻨﮯ ﮐﺎ ﻭﻗﺖ ﺗﮭﺎ۔

ﮈﯼ ﺟﮯ ! ﻣﺠﮭﮯ ﺳﭻ ﻣﯿﮟ ﻧﮩﯿﮟ ﺳﻤﺠﮫ ﺁ ﺭﮨﯽ، ﻣﯿﮟ ﺁﺝ ﺯﻧﺪﮔﯽ ﻣﯿﮟ ﭘﮩﻠﯽ ﺩﻓﻌﮧ ﺟﮩﺎﺯ ﻣﯿﮟ ﺑﯿﭩﮫ ﺭﮨﯽ ﮨﻮﮞ۔

ﮈﯼ ﺟﮯ ﻧﮯ ﭼﻨﺪ ﻟﻤﺤﮯ ﺍﺱ ﮐﺎ ﭼﮩﺮﮦ ﺩﯾﮑﮭﺎ ﭘﮭﺮ ﮨﺘﮭﯿﻠﯽ ﺍﺱ ﮐﮯ ﺳﺎﻣﻨﮯ ﭘﮭﯿﻼﺋﯽ۔

ﮨﺎﺗﮫ ﻣﺎﺭﻭ ! ﻣﯿﮟ ﺑﮭﯽ ﺁﺝ ﭘﮩﻠﯽ ﺩﻓﻌﮧ ﺟﮩﺎﺯ ﻣﯿﮟ ﺑﯿﭩﮭﯽ ﮨﻮﮞ۔

ﺣﯿﺎ ﻧﮯ ﺯﻭﺭ ﺳﮯ ﺍﺱ ﮐﮯ ﮨﺎﺗﮫ ﭘﺮ ﮨﺎﺗﮫ ﻣﺎﺭﺍ ﺍﻭﺭ ﺩﻭﻧﻮﮞ ﮨﻨﺲ ﭘﮍﯼ۔

ﮐﺎﻓﯽ ﺩﯾﺮ ﺑﻌﺪ ﺍﻥ ﮐﻮ ﭨﺎﺋﺮﺯ ﮐﯽ ﻟﺴﭧ ﻧﻈﺮ ﺁﺋﯽ، ﺟﺲ ﭘﺮ ﮨﺮ ﻓﻼﺋﭧ ﮐﮯ ﻣﺨﺼﻮﺹ ﭨﺎﺋﺮ ﮐﺎ ﻧﻤﺒﺮ ﺩﺭﺝ ﺗﮭﺎ۔ ﻓﮩﺮﺳﺖ ﺩﯾﮑﮫ ﮐﺮ ﺩﻭ ﻣﻨﭧ ﻣﯿﮟ ﮨﯽ ﺍﭘﻨﺎ ﻣﻄﻠﻮﺑﮧ ﭨﺎﺋﺮ ﻣﻞ ﮔﯿﺎ۔ ﺳﺎﻣﺎﻥ ﻟﮯ ﮐﺮ ﺣﯿﺎ ﺍﺗﻨﺎ ﺗﮭﮏ ﭼﮑﯽ ﺗﮭﯽ ﮐﮧ ﺟﺐ ﮈﯼ ﺟﮯ ﻧﮯ ﻭﮨﯽ ﺍﯾﮏ ﺟﮕﮧ ﭼﻤﮑﺘﮯ ﻓﺮﺵ ﭘﺮ ﺑﯿﭩﮭﻨﮯ ﮐﻮﮐﮩﺎ ﺗﻮﻭﮦ ﺍﭘﻨﺎ ﺳﺎﺭﺍ ﻧﺨﺮﮦ ﺍﻭﺭ ﻏﺮﻭﺭ ﺑﺎﻻﺋﮯ ﻃﺎﻕ ﺭﮐﮫ ﮐﺮ ﺍﺩﮬﺮ ﺯﻣﯿﻦ ﭘﺮ ﺑﯿﭩﮫ ﮔﺌﯽ۔ ﺍﭘﻨﮯ ﺑﯿﮕﺰ ﮐﮯ ﺳﺎﺗﮫ ﺍﺏ ﻭﮦ ﺩﻭﻧﻮﮞ ﻣﺰﮮ ﺳﮯ ﻓﺮﺵ ﭘﺮ ﺑﯿﭩﮭﯿﮟ ﮨﺮ ﺁﺗﮯ ﺟﺎﺗﮯ ﮐﻮ ﺩﯾﮑﮫ ﺭﮨﯽ ﺗﮭﯿﮟ۔ ﺍﻭﺭ ﺍﺭﺩﮔﺮﺩ ﻣﮩﺰﺏ، ﻧﻔﯿﺲ ﻟﻮﮒ ﺣﯿﺮﺕ ﺳﮯ ﺍﻥ ﮐﻮ ﺩﯾﮑﮭﺘﮯ ﮔﺰﺭ ﺭﮨﮯ ﺗﮭﮯ۔

•••••••••• •••••••••••

ﭨﺮﻣﻨﻞ ﻭﻥ ﺳﮯ ﺟﻮ ﭘﺮﻭﺍﺯ ﺍﻥ ﮐﻮ ﻣﻠﯽ، ﺍﺱ ﻣﯿﮟ ﺑﮭﯽ ﻋﺜﻤﺎﻥ ﺷﺒﯿﺮ ﺳﺎﺗﮫ ﮨﯽ ﺗﮭﮯ۔ ﺍﭘﻨﯽ ﺩﺍﺳﺘﺎﻥ ﺣﯿﺎﺕ ﻓﺮﺍﻣﻮﺵ ﮐﺮ ﮐﮯ ﻭﮦ ﺍﺏ ﺍﻥ ﮐﯽ ﻃﺮﻑ ﻣﺘﻮﺟﮧ ﮨﻮﺋﮯ ﺍﻭﺭ ﺍﻥ ﮐﺎ ﺍﻧﭩﺮﻭﯾﻮ ﮐﺮﻧﮯ ﻟﮕﮯ۔

ﮐﻮﻥ ﮨﻮ؟ ﮐﮩﺎﮞ ﺳﮯ ﺁﺋﯽ ﮨﻮ؟ ﮐﯿﻮﮞ ﺁﺋﯽ ﮨﻮ؟ ﺗﺮﮐﯽ ﻣﯿﮟ ﮐﮭﺮ ﺟﺎﻧﺎ ﮨﮯ؟ ﮐﯿﻮﮞ ﺟﺎﻧﺎ ﮨﮯ؟

ﺳﺒﺎﻧﺠﯽ؟ ﺳﺒﺎﻧﺠﯽ ﯾﻮﻧﯿﻮﺭﺳﭩﯽ؟ ﺍﻧﮭﻮﮞ ﻧﮯ ﺍﺗﻨﯽ ﺑﻠﻨﺪ ﺁﻭﺍﺯ ﻣﯿﮟ ﺩﮨﺮﺍﯾﺎ ﮐﮧ ﺍﮔﻠﯽ ﻧﺸﺴﺖ ﭘﺮ ﺑﯿﭩﮭﯽ ﺗﺮﮎ ﺧﺎﺗﻮﻥ ﻧﮯ ﮔﺮﺩﻥ ﻣﻮﮌ ﮐﺮ ﻗﺪﺭﮮ ﺍﻭﻧﭽﺎ ﮨﻮ ﮐﺮ ﺍﻥ ﮐﻮ ﺩﯾﮑﮭﺎ۔

ﺳﺒﺎﻧﺠﯽ ! ﺍﺱ ﺳﮯ ﺁﮔﮯ ﺧﺎﺗﻮﻥ ﻧﮯ ﻗﺪﺭﮮ ﺳﺘﺎﺋﺶ ﺳﮯ ﭼﻨﺪ ﺍﻟﻔﺎﻅ ﺗﮏ ﻣﯿﮟ ﮐﮩﮯ، ﺟﻮ ﺣﯿﺎ ﮐﻮ ﺳﻤﺠﮫ ﻧﮧ ﺁﺋﮯ۔ ﺟﻮﺍﺑﺎ ﻋﺜﻤﺎﻥ ﺷﺒﯿﺮ ﻧﮯ ﺍﭘﻨﯽ ﺑﮭﺎﺭﯼ ﺑﮭﺮ ﮐﻢ ﺁﻭﺍﺯ ﻣﯿﮟ ﮐﭽﮫ ﮐﮩﺎ ﺗﻮ ﻭﮦ ﺧﺎﺗﻮﻥ ﻗﺪﺭﮮ ﮔﮍﺑﮍﺍ ﮐﺮ ﻭﺍﭘﺲ ﺭﺥ ﭘﮭﯿﺮ ﮔﺌﯿﮟ۔

ﺁﭖ ﻧﮯ ﺍﻥ ﮐﻮ ﮐﯿﺎ ﮐﮩﺎ؟ ﺣﯿﺎ ﻧﮯ ﮐﮍﯼ ﻧﮕﺎﮨﻮﮞ ﺳﮯ ﺍﻧﮩﯿﮟ ﮔﮭﻮﺭﺍ۔

ﮐﭽﮫ ﻧﮩﯿﮟ، ﺗﻢ ﺑﺘﺎﺅ، ﯾﮧ ﭘﺎﮐﺴﺘﺎﻥ ﻣﯿﮟ ﻭﺍﻟﺪﯾﻦ ﺍﺗﻨﮯ ﺁﺯﺍﺩ ﺧﯿﺎﻝ ﮐﺐ ﺳﮯ ﮨﻮ ﮔﺌﮯ ﮐﮧ ﺟﻮﻥ ﺑﭽﯿﻮﮞ ﮐﻮ ﺍﮐﯿﻠﮯ ﺗﺮﮐﯽ ﺑﮭﯿﺞ ﺩﯾﮟ؟

ﺍﮐﯿﻠﮯ ﻧﮩﯿﮟ ﮨﯿﮟ ﮨﻢ، ﮨﻤﺎﺭﺍ ﭘﻮﺭﺍ ﮔﺮﻭﭖ ﮨﮯ، ﮨﻢ ﺩﻭ ﺍﺳﭩﻮﮈﻧﭩﺲ ﮨﯿﮟ ٗﺍﻭﺭ ﺑﺎﻗﯽ ﻓﯿﮑﻠﭩﯽ ﻣﻤﺒﺮﺍﻥ ﮨﯿﮟ، ﺟﻮ ﺩﻭ ﺭﻭﺯ ﻗﺒﻞ ﺭﻭﺍﻧﮧ ﮨﻮ ﭼﮑﮯ ﮨﯿﮟ۔ ﺍﻧﮩﻮﮞ ﻧﮯ ﺟﯿﺴﮯ ﺳﻨﺎ ﮨﯽ ﻧﮩﯿﮟ۔

ﺧﯿﺮ ﺍﺏ ﺍﮐﯿﻠﯽ ﺟﺎ ﺭﮨﯽ ﮨﻮ ﺗﻮ ﺍﭘﻨﺎ ﺧﯿﺎﻝ ﺭﮐﮭﻨﺎ ﮐﮧ۔۔۔۔۔۔۔۔ ﺍﻭﺭ ﭘﮭﺮ ﺍﻥ ﮐﺎ ﻭﺍﻋﻆ ﺭﻭﻉ ﮨﻮ ﮔﯿﺎ۔ ﻧﻤﺎﺯ ﭘﮍﮬﺎ ﮐﺮﻭ، ﻗﺮﺁﻥ ﭘﮍﮬﺎ ﮐﺮﻭ، ﭘﺮﺩﮨﮑﯿﺎﮐﺮﻭ، ﺳﭻ ﺑﻮﻻ ﮐﺮﻭ، ﺍﻟﻠﮧ ﺳﮯ ﮈﺭﻭ، ﻏﺮﺽ ﮨﺮ ﻭﮦ ﺑﺎﺕ ﺟﻮ ﺍﭘﻨﮯ ﺑﯿﭩﮯ ﮐﯽ ﺗﺮﺑﯿﺖ ﮐﮯ ﻭﻗﺖ ﺍﻧﮩﯿﮟ ﺑﮭﻮﻝ ﮔﺌﯽ ﺗﮭﯽ، ﺍﺏ ﺍﭼﺎﻧﮏ ﯾﺎﺩ ﺁﮔﺌﯽ۔ ﺣﯿﺎ ﻧﮯ ﻗﺪﺭﮮ ﺟﮭﻨﺠﮭﻼ ﮐﺮ ﺭﺥ ﭘﮭﯿﺮ ﻟﯿﺎ۔

ﺩﻭﭘﮩﺮ ﺩﻭ ﺑﺠﮯ ﮐﮭﮍﮐﯽ ﮐﮯ ﺍﺱ ﮨﺎﺭ۔۔۔۔۔۔۔۔۔۔ ﻧﯿﭽﮯ۔۔۔۔۔۔۔۔ ﺑﮩﺖ ﻧﯿﭽﮯ۔۔۔۔۔۔۔۔۔۔۔۔ ﻭﮦ ﭘﺮﻓﺴﻮﮞ ﻣﻨﻈﺮ ﭘﮭﯿﻠﻨﮯ ﻟﮕﺎ۔

ﻣﺮﻣﺮﺍ ﮐﺎ ﺳﻤﻨﺪﺭ، ﺍﻭﭘﺮ ﺑﺎﺩﻝ ﺍﻭﺭ ﺑﺮﻑ۔۔۔۔۔۔۔۔۔۔ ﯾﻮﮞ ﺟﯿﺴﮯ ﻧﯿﻠﯽ ﭼﺎﺩﺭ ﭘﮧ ﺳﻔﯿﺪ ﺭﻭﺋﯽ ﮐﮯ ﮔﺎﻟﮯ ﺗﯿﺮ ﮨﮯ ﮨﻮﮞ، ﻭﮦ ﺍﺱ ﻣﻨﻈﺮ ﮐﮯ ﺳﺤﺮ ﻣﯿﮟ ﮐﮭﻮﺗﯽ ﭼﻠﯽ ﮔﺌﯽ۔

ﺟﮩﺎﻥ ﺳﮑﻨﺪﺭ ﮐﺎ ﺗﺮﮐﯽ ﺍﺱ ﮐﮯ ﻗﺪﻣﻮﮞ ﺗﻠﮯ ﺗﮭﺎ۔

ﯾﮧ ﺭﮐﮫ ﻟﻮ۔ ﭘﺮﻭﺍﺯ ﺍﺗﺮﻧﮯ ﮐﺎ ﺍﻋﻼﻥ ﮨﻮﻧﮯ ﻟﮕﺎ ﺗﻮ ﻧﮩﺎﯾﺖ ﺯﺑﺮﺩﺳﺘﯽ ﻋﺜﻤﺎﻥ ﺷﺒﯿﺮ ﻧﮯ ﺍﭘﻨﺎ ﻭﺯﯾﭩﻨﮓ ﮐﺎﺭﮈ ﺍﺳﮯ ﺗﮭﻤﺎﯾﺎ۔ ﺍﺱ ﭘﺮﻣﯿﺮﮮ ﮔﮭﺮ، ﺳﯿﻞ ﺍﻭﺭ ﺁﻓﺲ ﮐﮯ ﻧﻤﺒﺮﺯ ﻟﮑﮭﮯ ﮨﯿﮟ۔ ﮐﺒﮭﯽ ﮐﺒﮭﺎﺭ ﻣﯿﮟ ﮔﮭﺮ ﭘﺮ ﻧﮩﯿﮟ ﮨﻮﺗﺎ ﺍﻭﺭ ﮐﺒﮭﯽ ﮐﺒﮭﺎﺭ ﻣﯿﺮﺍ ﺳﯿﻞ ﺑﮭﯽ ﺁﻑ ﮨﻮﺗﺎ ﮨﮯ ﻟﯿﮑﻦ ﺁﻓﺲ ﮐﮯ ﻧﻤﺒﺮ ﭘﺮ ﻣﯿﮟ ﮨﻤﯿﺸﮧ ﻣﻠﺘﺎ ﮨﻮﮞ۔ ﻣﯿﺮﯼ ﺳﯿﮑﺮﭨﺮﯼ ﮐﯽ ﻓﻀﻮﻟﯿﺎﺕ ﺳﮯ ﺑﭽﻨﮯ ﮐﮯ ﻟﯿﮯ ﮈﺍﺋﺮﯾﮑﭧ ﻣﯿﺮﯼ ﭘﺮﺍﺋﯿﻮﯾﭧ ﺍﯾﮑﺴﭩﯿﻨﺸﻦ ﮈﺍﺋﻞ ﮐﺮﻧﺎ۔ ﻭﮦ ﮨﮯ 14 ﯾﻌﻨﯽ ﭼﻮﺩﮦ، ﮐﯿﻮﻧﮑﮧ ﻣﯿﺮﯼ ﺍﻭﺭ ﭘﺎﮐﺴﺘﺎﻥ ﮐﯽ ﺗﺎﯾﺦ ﭘﯿﺪﺍﺋﺶ ﭼﻮﺩﮦ ﺍﮔﺴﺖ ﮨﮯ۔ ﺭﮐﮫ ﻟﻮ، ﺿﺮﻭﺭ ﭘﮍ ﺳﮑﺘﯽ ﮨﮯ۔

ﻋﺜﻤﺎﻥ ﺷﺒﯿﺮ ﺳﮯ ﺑﻤﺸﮑﻞ ﺟﺎﻥ ﭼﮭﻮﭦ ﺭﮨﯽ ﺗﮭﯽ۔ ﺍﻥ ﮐﻮ ﮐﺒﮭﯽ ﮐﺎﻝ ﮐﺮﻧﺎ ﯾﺎ ﺩﻭﺑﺎﺭﮦ ﻣﻼﻗﺎﺕ ﮐﺎ ﺗﺼﻮﺭ ﮨﯽ ﺣﯿﺎ ﮐﮯ ﻟﯿﮯ ﺳﻮﮨﺎﻥ ﺭﻭﺡ ﺗﮭﺎ، ﭘﮭﺮ ﺑﮭﯽ ﺍﻥ ﮐﮯ ﺍﺻﺮﺍﺭ ﭘﺮ ﺍﺱ ﻧﮯ ﺍﭘﻨﮯ ﺳﻨﮩﺮﯼ ﭘﺎﺅﭺ ﻣﯿﮟ ﻭﮦ ﮐﺎﺭﮈ ﺩﯾﮑﮭﮯ ﺑﻐﯿﺮ ﺭﮐﮫ ﻟﯿﺎ۔ﺍﺗﺎﺗﺮﮎ ﺍﻧﭩﺮﻧﯿﺸﻨﻞ ﺍﺋﺮﭘﻮﺭﭦ ﺍﺳﺘﻨﺒﻮﻝ ﮐﯽ ﯾﻮﺭﭘﯽ ﻃﺮﻑ ﻭﺍﻗﻊ ﺗﮭﺎ۔ ﯾﮧ ﺍﺳﮯ ﺑﻌﺪ ﻣﯿﮟ ﻋﻠﻢ ﮨﻮﺍ ﺗﮭﺎ ﺍﻟﺒﺘﮧ ﺟﻮ ﺑﺎﺕ ﺍﺳﮯ ﮨﻤﯿﺸﮧ ﺳﮯﻣﻌﻠﻮﻡ ﺗﮭﯽ، ﻭﮦ ﯾﮧ ﺗﮭﯽ ﮐﮧ ﺍﺳﺘﻨﺒﻮﻝ ﺩﻧﯿﺎ ﮐﺎ ﻭﮦ ﻭﺍﺣﺪ ﺷﮩﺮ ﺗﮭﺎ، ﺟﻮ ﺩﻭ ﺧﻄﻮﮞ ﮐﻮ ﺑﺎﮨﻢ ﻣﻼﺗﺎ ﮨﮯ۔۔۔۔۔۔۔ ﯾﻮﺭﭖ ﺍﻭﺭ ﺍﯾﺸﯿﺎ۔

ﺍﺳﺘﻨﺒﻮﻝ ﮐﮯ ﺩﻭ ﺣﺼﮯ ﺗﮭﮯ۔ ﺍﯾﮏ ﯾﻮﺭﭘﯽ ﻃﺮﻑ ﮐﮩﻼﺗﺎ ﺗﮭﺎ ﺍﻭﺭ ﺩﻭﺳﺮﺍ ﺍﯾﺸﯿﺎﺋﯽ ﻃﺮﻑ ﯾﺎ ﺍﻧﺎﻃﻮﻟﯿﻦ ﻃﺮﻑ ‏( ﺍﻧﺎﻃﻮﻟﯿﻦ ﻃﺮﻑ ﮐﻮ ﻋﺮﻑ ﻋﺎﻡ ﻣﯿﮟ ” ﭘﺮﺍﻧﺎ ﺷﮩﺮ “ ﺑﮭﯽ ﮐﮩﺎ ﺟﺎﺗﺎ ﺗﮭﺎ ‏) ۔

ﻭﮦ ﺩﻭﻧﻮﮞ ﺟﺐ ﺍﭘﻨﮯ ﺳﺎﻣﺎﻥ ﮐﯽ ﭨﺮﺍﻟﯿﺎﮞ ﺩﮬﮑﯿﻠﺘﮯ ﺁﮔﮯ ﺁﺋﯿﮟ ﺗﻮ ﺭﻭﻣﯽ ﻓﻮﺭﻡ ﮐﮯ ﺩﻭ ﺍﺭﮐﺎﻥ ﺍﻥ ﮐﻮ ﻣﻞ ﮔﺌﮯ، ﺟﻮ ﺍﻧﮩﯿﮟ ﻟﯿﻨﮯ ﺁﺋﮯ ﮨﻮﺋﮯ ﺗﮭﮯ۔ ﺭﻭﻣﯽ ﻓﻮﻡ ﺍﯾﮏ ﺗﺮﮎ ﺍﯾﻦ ﺟﯽ ﺍﻭ ﺗﮭﯽ ﺟﻮ ﺑﺎﻟﺨﺼﻮﺹ ﺍﯾﮑﺴﭽﯿﻨﺞ ﺍﺳﭩﻮﮈﻧﭩﺲ ﮐﺎ ﺑﮩﺖ ﺧﯿﺎﻝ ﺭﮐﮭﺘﯽ ﺗﮭﯽ۔

ﻭﮦ ﺩﻭ ﻟﮍﮐﮯ ﺗﮭﮯ، ﺍﺣﻤﺖ ﺍﻭﺭ ﭼﻐﺘﺎﺋﯽ۔

ﭼﻐﺘﺎﺋﯽ ﻧﺎﻡ ﺗﻮﮨﻤﺎﺭﮮ ﮨﺎﮞ ﺑﮭﯽ ﮨﻮﺗﺎ ﮨﮯ، ﺟﯿﺴﮯ ﻣﺼﻮﺭ ﻋﺒﺪﺍﻟﺮﺣﻤﻦ ﭼﻐﺘﺎﺋﯽ، ﮨﮯ ﻧﺎ ﺣﯿﺎ۔ ﮈﯼ ﺟﮯ ﻧﮯ ﺳﺮﮔﻮﺷﯽ ﮐﯽ ﺗﮭﯽ۔

ﺍﻟﺴﻼﻡ ﻋﻠﯿﮑﻢ ! ﻭﮦ ﺑﮩﺖ ﮔﺮﻡ ﺟﻮﺷﯽ ﺍﻭﺭ ﺍﺣﺘﺮﺍﻡ ﺳﮯﻣﻠﮯ۔ ﭼﻐﺘﺎﺋﯽ ﻧﮯ ﻥ ﺳﮯ ﺑﯿﮕﺰﻟﮯ ﻟﯿﮯ۔ ﺁﺋﯿﮯ ! ﺑﺎﮨﺮ ﮔﺎﮌﯼ ﺍﻧﺘﻈﺎﺭ ﮐﺮ ﺭﮨﯽ ﮨﮯ۔

ﭼﻐﺘﺎﺋﯽ ﺑﺮﺍﺩﺭﺯ ! ﭘﻠﯿﺰ ﭘﺎﻧﯽ ﭘﻼ ﺩﯾﮟ۔ ﺑﮩﺖ ﭘﯿﺎﺱ ﻟﮕﯽ ﮨﮯ۔ﺣﯿﺎ ﮐﯽ ﻃﺮﺡ ﮈﯼ ﺟﮯ ﺑﮭﯽ ﭘﯿﺎﺱ ﺳﮯ ﺑﮯﺣﺎﻝ ﺗﮭﯽ۔ ﭼﻐﺘﺎﺋﯽ ﻧﮯ ﺳﺮ ﺍﺛﺒﺎﺕ ﻣﯿﮟ ﮨﻼﯾﺎ ﺍﻭﺭ ﺍﺣﻤﺖ ﮐﮯ ﺳﺎﺗﮫ ﺳﺎﻣﺎﻥ ﺍﭨﮭﺎﻧﮯ ﻟﮕﺎ۔ ﭘﮭﺮ ﻭﮦ ﺩﻭﻧﻮﮞ ﺍﻥ ﺳﮯ ﺁﮔﮯ ﭼﻠﺘﮯ ﮨﻮﺋﮯ ﺑﺎﮨﺮ ﮐﯽ ﻃﺮﻑ ﺑﮍﮪ ﮔﺌﮯ۔

ﺑﮯ ﺣﺪ ﻣﮩﻤﺎﻥ ﻧﻮﺍﺯ ﻗﻮﻡ ﮐﮯ ﺱ ﺳﭙﻮﺕ ﻧﮯ ﺍﻥ ﮐﻮ ﭘﺎﻧﯽ ﮐﯿﻮﮞ ﻧﮩﯿﮟ ﭘﻠﻮﺍﯾﺎ، ﯾﮧ ﻣﻌﻤﮧ ﻭﮦ ﺳﺎﺭﯼ ﺯﻧﺪﮔﯽ ﻧﮩﯿﮟ ﺣﻞ ﮐﺮ ﺳﮑﯽ۔ ﻗﻮﯼ ﺍﻣﮑﺎﮞ ﯾﮧ ﺗﮭﺎ ﮐﮧ ﭼﻐﺘﺎﺋﯽ ﮐﯽ ﺍﻧﮕﺮﯾﺰﯼ ﮐﻤﺰﻭﺭ ﺗﮭﯽ، ﺟﺲ ﮐﮯ ﺑﺎﻋﺚ ﻭﮦ ﺍﻥ ﮐﺎ ﻣﺪﻋﺎ ﺳﻤﺠﮫ ﻧﮩﯿﮟ ﭘﺎﯾﺎ ﺗﮭﺎ۔

ﺑﺎﮨﺮ ﻧﮑﻠﻨﮯ ﺳﮯ ﻗﺒﻞ ﺍﻧﮩﻮﮞ ﻧﮯ ﺍﭘﻨﯽ ﺭﻗﻢ ﺗﺮﮎ ﻟﯿﺮﺍ ﺍﻭﺭ ﯾﻮﺭﻭﺯ ﻣﯿﮟ ﺗﺒﺪﯾﻞ ﮐﺮﻭﺍ ﻟﯽ ﺗﮭﯽ۔ ﺍﯾﮏ ﻟﯿﺮﺍ ﭘﺎﮐﺴﺘﺎﻧﯽ ﭘﭽﭙﺲ ﺭﻭﭘﮯ ﮐﺎ ﺗﮭﺎ ﺍﻭﺭ ﺍﯾﮏ ﯾﻮﺭﻭ ﺍﯾﮏ ﺳﻮ ﭘﭽﯿﺲ ﺭﻭﭘﮯ ﮐﺎ۔۔۔۔۔۔۔۔۔۔

ﻓﻔﭩﯽ ﻓﺎﺋﯿﻮ۔۔۔۔۔۔۔۔۔۔۔ ﻭﻥ ﭨﻮﺋﻨﭩﯽ ﻓﺎﺋﯿﻮ۔۔۔۔۔۔۔۔۔۔ ﻓﻔﭩﯽ ﻓﺎﺋﯿﻮ۔۔۔۔۔۔۔۔۔۔ ﻭﻥ ﭨﻮﺋﻨﭩﯽ ﻓﺎﺋﯿﻮ۔۔۔۔۔۔۔۔۔ ﮈﯼ ﺟﮯ ﺯﯾﺮﻟﺐ ﮐﺮﻧﺴﯽ ﮐﯽ ﻣﺎﻟﯿﺖ ﮐﺎ ﺣﺴﺎﺏ ﻟﮕﺎﺗﯽ ﺍﻭﺭ ﺍﻥ ﮐﯽ ﻗﯿﻤﺖ ﯾﺎﺩ ﮐﺮﯼ ﺑﺎﮨﺮ ﺁﺋﯽ ﺗﮭﯽ۔

ﺍﺋﺮﭘﻮﺭﭦ ﮐﺎ ﺩﺭﻭﺍﺯﮦ ﮐﮭﻠﺘﮯ ﮨﯽ ﯾﺦ ﺑﺴﺘﮧ، ﮨﮉﯾﻮﮞ ﻣﯿﮟ ﮔﮭﺴﺘﯽ، ﺧﻮﻥ ﻣﻨﺠﻤﻨﺪ ﮐﺮﺗﯽ ﻟﮩﺮ ﻧﮯ ﺍﻥ ﮐﺎ ﺍﺳﺘﻘﺒﺎﻝ ﮐﯿﺎ ﮐﮧ ﭼﻨﺪ ﻟﻤﺤﻮﮞ ﻣﯿﮟ ﺣﯿﺎ ﮐﮯ ﮨﻮﻧﭧ ﻧﯿﻠﮯ ﭘﮍﻧﮯ ﻟﮕﮯ۔ ﯾﮩﺎﮞ ﻣﺮﯼ ﺍﻭﺭ ﺍﯾﻮﺑﯿﮧ ﮐﯽ ﺳﺮﺩ ﺗﺮﯾﻦ ﮨﻮﺍ ﺳﮯ ﺑﮭﯽ ﮐﺌﯽ ﮔﻨﺎ ﺳﺮﺩ ﮨﻮﺍ ﭼﻞ ﺭﮨﯽ ﺗﮭﯽ۔ ﺣﯿﺎ ﻧﮯ ﺑﮯ ﺍﺧﺘﯿﺎﺭ ﺑﺎﺯﻭ ﺳﯿﻨﮯ ﭘﺮ ﻟﭙﯿﭧ ﻟﯿﮯ۔ ﻭﮦ ﭨﮭﭩﮭﺮﻧﮯ ﻟﮕﯽ ﺗﮭﯽ

Posted in: Jannat kay pattay - ناول جنت کے پتے