کیا خدا اور الله میں فرق ہوتا ہے ؟
وہ کچھ الجھ گیا تھا
"الله خدا کا ذاتی نام ہے ۔اس نام سے اسے پکاریں تو وہ زیادہ قریب محسوس ہوتا ہے ۔دوست لگتا ہے ۔"
حدید نے اس کے چہرے سے نظرین اٹھا لیں ۔
"حدید! کل تم کہہ رہے تھے نا کہ تم نے جب بھی الله کو پکارا ہے اس نے تمہاری مدد نہیں کی ، جب بھی پیغمبر سے مدد مانگی ہے انہوں نے تمہارا ہاتھ جھٹک دیا ہے ۔ساری بات عشق کی ہے ، جب آپ کو کسی سے عشق ہو اور پھر آپ اسے پکاریں تو یہ ممکن نہیں کہ وہ آپ کی بات نہ سنے مگر تمہیں عشق نہیں تھا۔تمہیں ضرورت تھی اور تمہارا ہاتھ جھٹک دیا گیا ۔مجھے دیکھو ۔اس دن تمہیں دیکھا تھا پارک میں اور مجھے تم سے عشق ہو گیا اور پھر میں تم سے بات کرنے کے لئے تمھارے پیچھے بھاگی ،جیسے پاگل بھاگتے ہیں ۔میرے پاؤں میں جوتا تک نہیں تھا مگر مجھے اس کی پرواہ تک نہیں تھی ۔کیونکہ مجھے تو تم سے بات کرنا تھی ۔تمہاری تلاش تھی ۔تم نہیں ملے ۔میرے پاؤں میں کسی کیڑے نے کاٹ لیا ۔ایک ہفتہ تک میں ٹھیک سے نہیں چل سکی میرا پاؤں بینڈیج میں جکڑا رہا مگر مجھے درد نہیں ہوا ۔صرف تکلیف ہوئی تو اس بات کی کہ مجھے تم نہیں ملے ۔تم میرا عشق تھے ضرورت نہیں تم تک پہنچنے کے لئے اگر دوبارہ مجھے اسی تکلیف میں سے بھی گزرنا پڑتا تو بھی میں گزرتی ۔مگر تم دیکھو مجھے الله سے محبت تھی تو الله نے مجھے تم تک پہنچایا ،اس نے مجھے تکلیف دی آزمائش میں ڈالا مگر تم تک پہنچایا ۔میری دعا قبول ہوئی میری بات مانی گئی ۔تم نے یہ کیسے سوچ لیا کہ تمہیں جو تکلیفیں دی گئیں جن آزمائشوں میں ڈالا گیا ۔ان کے بعد دوبارہ تمہاری کبھی کوئی دعا قبول نہیں کی جائے گی ؟"
اقتباس از حاصل
December 07, 2019
message
